ນ້ຳຕົກຕາດ ຕາດຟານ ແຂວງຈຳປາສັກ

.  ຕາດຟານ (Tad Fane)

ນໍ້າຕົກຕາດຟານ

v    ສະພາບລວມ ແລະ ລັກສະນະທີ່ຕັ້ງຂອງພື້ນທີ່ລົງສຶກສາ

ນ້ຳຕົກຕາດຟານໄດ້ຂື້ນຊື່ວ່າເປັນນ້ຳຕົກຕາດທີ່ສູງທີ່ສຸດແຂວງຈຳປາສັກ ແລະ ມີຄວາມສວຍງາມທີ່ສຸດແຫ່ງໜຶ່ງຂອງປະເທດລາວນ້ຳຕົກຕາດນີ້ຕັ້ງຢູ່ເຂດປ່າສະຫວງນດົງຫົວສາວຕັ້ງຢູ່ພື້ນທີ່ຫາດສູງບໍລິເວນເມືອງປາກຊ່ອງແຂວງຈຳສັກໃກ້ກັບເມືອງປາກເຊໃຊ້ທາງຫຼວງເລກທີ່ 23 ເສັ້ນທາງໄປປາກຊ່ອງມາເຖີງກີໂລແມັດທີ່ 38 ມີທາງແຍກຂວາມື. ນ້ຳຕົກຕາດຟານເປັນນ້ຳຕົກຕາດສູງໃຫຍ່ມີລັກສະນະເປັນສາຍນ້ຳສອງສາຍໄຫຼລົງມາຈາກພູຜາສູງຊັນ ໂດຍສາຍນ້ຳດັ່ງກ່າວໄຫຼມາຈາກແມ່ນ້ຳສອງສາຍຄື : champi River  ແລະ pak koot River ເປັນນໍ້າຈໍານວນຫຼາຍໄຫຼຜ່ານພູຜາແລ້ວໄຫຼລົງໜ້າຜາສູງຊັນ 90° ສູ່ແອ່ງນໍ້າກາງພູຜາເບື້ອງລຸ່ມດ້ວຍຄວາມສູງປະມານ 200 ແມັດມີອາກາດໜາວເຢັນຕະຫຼອດປີ.ໃນຍາມຕອນເຊົ້າຍັງເປັນຈຸດຊົມທະເລກໝອກທີ່ສວຍງາມອີກດ້ວຍ ແຕ່ສຳລັບນັກທ່ອງທ່ຽວທີ່ຕ້ອງການສຳຜັດກັບຄວາມຍິ່ງໃຫຍ່ຂອງນ້ຳຕົກຕາດແຫ່ງນີ້ສາມາດຍ່າງລົງໄປຊົມນ້ຳຕົກຕາດບໍລິເວນດ້້ານລຸ່ມໄດ້ໄລຍະທາງປະມານ 5 ກີໂລແມັດ ຈາກຈຸດຊົມວິວດ້ານເທີງເຊິ່ງໃຊ້ເວລາເດີນທາງຄ້ອນຂ້າງດົນ ແລະ ຕ້ອງໄດ້ກຽມອາຫານຸປະກອນກາງເຕັ້ນໄປເອງເພື່ຶອພັກແຮມບໍລິເວນດ້ານລຸ່ມ 1 ຄືນ ແລະ ເດີນກັບຄືນມາໃນມື້ຕໍ່ໄປ ສ່ວນນັກທ່ອງທ່ຽວທີ່ຕ້ອງການຄວາມສະດວກສະບາຍແມ່ນສາມາດເລືອກໃຊ້ບໍລີການທີ່ພັກບໍລິເວນຈຸດຊົມວິວໄດ້ເຊັ່ນກັນ ມີຊື່ວ່າ : ຕາດຟານຣີສອດ ລາາ 280.000 ຕໍ່ຫຼັງຕໍ່ຄືນ ເຊິ່ງເປັນຣີສອດທີ່ສວຍງາມທ່າມກາງທຳມະຊາດຂອງປ່າເຂົາຈື່ງໄດ້ຮັບຄວາມນີຍົມຈາກຕ່າງຊາດ.

            

       

v  ຄວາມເປັນມາຂອງແຫຼ່ງທ່ອງທ່ຽວ.

ນ້ຳຕົກຕາດນີມີຄວາມເປັນມາຄື: ມີນາຍພານຜູ້ໜຶ່ງມັກອອກມາລ່າສັດໃນເຂດບໍລິເວນນີ້ເປັນປະຈຳມີມື້ໜຶ່ງລາວໄດ້ພົບເຫັນຟານ ແລະ ລາວໄດ້ໃຊ້ປືນຍິງຟານດັ່ງກ່າວຈຶ່ງແລ່ນ ແລະ ໂດດເຕັ້ນໂດຍຄວາມເຈັບປວດບັງເອີນໄປຕົກລົງສູ່ສາຍນ້ຳທີ່ເປັນນ້ຳຕົກແຕ່ດ້ວຍຄວາມແຮງຂອງກະແສນ້ຳດັ່ງກ່າວຈື່ງເຮັດໃຫ້ຟານໂຕນັ້ນຕົກລົງໄປສາຍນ້ຳລົງສູ່ກົ້ນເຫວເລິກ ສະນັ້ນຊາວບ້ານໃນບໍລິເວນນີ້ຈື່ງພາກັນເອີ້ນ ບໍລິເວນນີ້ວ່າ: ນ້ຳຕົກຕາດຟານ

v    ຄວາມປ່ຽນແປງຈາກອະດີດໃນສະຖານທີ່.

ໃນອະດີດນ້ຳຕົກຕາດຟານແຫ່ງນີ້ຍັງບໍ່ໄດ້ເປັນສະຖານທີ່ທ່ອງທ່ຽວທີ່ນັກທ່ອງທ່ຽວບໍ່ນິຍົມ ແລະ ຍັງທັນຮູ້ຈັກຫຼາຍຄືກັບປັດຈຸບັນ. ເນື່ອງຈາກວ່າແຕ່ກ່ອນສະຖານທີ່ທ່ອງທ່ຽວແຫ່ງນີ້ຍັງບໍ່ໄດ້ມີການພັດທະນາພໍສົມ ຄວນເຊິ່ງສະຖານທີ່ຈອດລົດບໍ່ພຽງພໍ,ມີພຽງຮ້ານອາຫານເລັກນ້ອຍ,ມີແຕ່ຈຸດຊົມວິວໃຫ້ນັກທ່ອງທ່ຽວເບິ່ງທິວທັດພຽງເທົ່ານັ້ນ. ແຕ່ມາຮອດປັດຈຸບັນນີ້ນໍ້າຕົກຕາດຟານໄດ້ມີການພັດທະນາຂື້ນເຊິ່ງໄດ້ມີຮ້ານອາຫານ, ຮ້ານຂາຍເຄື່ອງທີລະນຶກຢ່າງຫຼວງຫຼາຍ ແລະ ກິດຈະກຳຂີ່ສະລິງເຊິ່ງກິດຈະກຳນີ້ໄດ້ເປັນທີ່ນິຍົມ ແລະ ສາມາດດຶງດູດນັກທ່ອງທ່ຽວເຂົ້າມາທ່ຽວເປັນຈຳນວນຫຼວງຫຼາຍ ແລະ ມີສະຖານທີ່ຈອດລົດກ້ວາງຂວາງຂື້ນກ່ວາແຕ່ກ່ອນ.

v    ລັກສະນະເດັ່ນຂອງແຫຼ່ງທ່ອງທ່ຽວ.

ນໍ້າຕົກຕາດຟານເປັນນໍ້າຕົກຕາດທີ່ມີຄວາມສວຍງາມທາງດ້ານທໍາມະຊາດເຊິ່ງເປັນນ້ຳຕົກຕາດທີ່ໄຫຼມາລວມກັນທີ່ມີລັກສະນະໄຫຼລົງຈາກໜ້າຜາສູງ ແລະ ມີສະພາບປ່າໄມ້ທີ່ມີຄວາມອຸດົມສົມບູນມີເສັ້ນທາງເດີນເປັນບ່ອນນັ່ງ, ຢືນ ໃຫ້ຊົມວິວທິວທັດທຳມະຊາດ ຫຼື ມີຈຸດຊົມວິວທີ່ຕັ້ງຢູ່ຄົນລະຟາກພູກັບນ້ຳຕົກໃນລະດັບຄວາມສູງເທົ່າໆກັນຈາກບ່ອນນ້ຳຕົກ.ເຫັນວ່ານັກທ່ອງທ່ຽວທີ່ທ່ຽວຊົມແມ່ນຈະມາເປັນຄະນະເປັນການທ່ອງທ່ຽວເພື່ອພັກຜ່ອນຢ່ອນໃຈດ້ວຍການທ່ຽວຊົມທຳມະຊາດໂດຍສະເພາະແມ່ນປ່າໄມ້ທີ່ຂຽວງາມເຫວເລິກພ້ອມກັບນ້ຳຕົກຕາດທີ່ສູງທີ່ສຸດໃນລາວ ແລະ ຈຸດເດັ່ນຂອງແຫຼ່ງທ່ອງທ່ຽວເມື່ອບໍ່ດົນມານີ້ກໍ່ໄດ້ມີການບໍລິການຂີ່ສະລິງພ້ອມກັບນັ່ງດື່ມກາເຟຢູ່ກາງນ້ຳຕົກຕາດເຊິ່ງມີຄວາມສູງ 1000 ກ່ວາແມັດ ແລະ ຂີ່ສະລິງຂ້າມນ້ຳຕົກຕາດຟານໃນໄລຍະທາງປະມານ 450 ແມັດເຊິ່ງສູງຈາກພື້ນດິນປະມານ 500 ແມັດ ແລະ ການຫຼີ້ນສະລິງນີ້ມີທັງໝົດປະມານ 4 ຫາ 5 ຖ້ານ ຂ້າມໄປມາລະຫວ່າງບໍລິເວນນ້ຳຕົກຕາດ ແລະ ຊ່ວງເວທີ່ເໝາະສົມແກ່ການມາທ່ຽວນ້ຳຕົກຕາດນີ້ຈະຢູ່ໃນຊ່ວງລະດູຝົນ ຫຼື ລະຫວ່າງໃນເດືອນ ມັງກອນ ຫາ ເດືອນ ຕຸລາ ເພາະວ່າຈະມີປະມານນ້ຳລາຍທີ່ເບິ່ງແລ້ວມີຄວາມສວຍງາມ ແຕ່ຖ້າຢາກເຫັນການ້ເກັບກາເຟທີ່ມີລົດຊາດດີທີ່ສຸດໃນປະເທດລາວຕ້ອງໄປທ່ຽວໃນຊ່ວງເດືອນ ຕຸລາ ຫາ ກຸມພາ ແລະ ບໍ່ຄວນພາດທີ່ຈະລອງຊິມລົດຊາດກາເຟທີ່ແຊບທີ່ສຸດພ້ອມທັງແວ່ພັກຣີສອດຂອງຊາວທີ່ຢູ່ທ່າມກາງທຳມະຊາດຢ່າງແທ້ຈິງ.

v    ຄວາມໝາຍຄວາມສຳຄັນ

  ຕາດຟານນີ້ມີຄວາມສຳຄັນຕໍ່ຊາວບ້ານທີ່ຢູ່ບໍລິເວນນັ້ນເພາະວ່າມັນໄດ້ສ້າງອາຊີບ ແລະ ສ້າງລາຍໄດ້ໃຫ້ແກ່ຄົນທ້ອງຖີ່ນນັ້ນນອກຈາກນີ້ຍັງມີຄວາມສຳຄັນຕໍ່ປະເທດຊາດເພາະຕາດນີ້ສາມາດດຶງດູດນັກທ່ອງທ່ຽວບໍ່ວ່າພາຍໃນ ແລະ ຕ່າງປະເທດເດີນທາງເຂົ້າມາທ່ຽວຊົມເປັນຈຳນວນຫຼວງຫຼາຍເຊິ່ງມັນສາມາດສ້າງລາຍໄດ້ໃຫ້ແກ່ປະເທດຊາດຫຼາຍພໍສົມຄວນ.

v    ຄວາມຜູກພັນອາໄສກັນລະຫວ່າງຊາວບ້ານ, ນັກທ່ອງທ່ຽວ ກັບ ນັກທ່ອງທ່ຽວ.

ປະຊາຊົນໃນທ້ອງຖີ່ນນີ້ມີຄວາມສາມັກຄີຊ່ວຍກັນປົກປັກຮັກສາແຫຼ່ງທ່ອງທ່ຽວນີ້ໃຫ້ມີຄວາມສວຍງາມແບບດັ້ງເດີມ , ມີການຊ່ວຍເຫຼືອເຊິ່ງກັນ ແລະ ກັນ ມີຄວາມເອື້ອເຟື້ອເພື່ອແຜ່ ມີມິດໄມຕີຕໍ່ກັນເມື່ອນັກທ່ອງທ່ຽວເຂົ້າມາສະຖານທີ່ແຫ່ງນີ້ຊາວບ້ານກໍ່ພ້ອມທີ່ຈະໃຫ້ຂໍ້ມູນກຽວກັບແຫຼ່ງທ່ອງທ່ຽວ.ສ່ວນນັກທ່ອງ ກັບ ນັກທ່ອງທ່ຽວກໍ່ໄດ້ມີການແລກປ່ຽນຂໍ້ມູນຕໍ່ກັນວ່າສິ່ງໃດຄວນ ແລະ ບໍ່ຄວນຊ່ວຍກັນຕັກເຕື່ອນກັນພ້ອມກັນຮັກສາສິ່ງແວດລ້ອມ ນອກນີ້ຍັງສ້າງຄວາມເປັນມິດໄມຕີຕໍ່ກັນອີກດ້ວຍ.

v    ຮັກສາສິ່ງແວດລ້ອມ ແລະ ທຳມະຊາດ

    ສະຖານທີ່ທ່ອງທ່ຽວແຫ່ງນີ້ແມ່ນໄດ້ຮັກສາສິ່ງແວດລ້ອມ ແລະ ທຳມະຊາດໄດ້ເປັນຢ່າງດີເຊິ່ງໄດ້ມີການອະນຸລັກຕົ້ນໄມ້ ແລະ ສິ່ງແວດລ້ວມເຊັ່ນ: ສິ່ງທີ່ພວກນ້ອງເຫັນໄດ້ຄືແຕ່ລະຕົ້ນໄມ້ພວກເຂົາໄດ້ບອກຊື່ແນວພັນໄມ້ຕ່າງໆໃຫ້ນັກທ່ອງທ່ຽວໄດ້ຮັບຮູ້ ແລະ ໄດ້ມີການຮັກສາສິ່ງແວດລ້ອມຊ່ວຍກັນ ແລະ ການຊົມໃຊ້ເຄື່ອງອຸປະໂພກຕ່າງໆກໍຊົມເຄື່ອງທີ່ບໍ່ປັນພິດຕໍ່ສິ່ງແວດລ້ອມ.

v    ສິ່ງອຳນວຍຄວາມສະດວກຂອງສະຖານທີ່.

ມີເສັ້ນທາງການເຂົ້າເຖີງທີ່ສະດວກສະບາຍແຕ່ທາງເຂົ້າໄປຫາຕາດປະມານ 300 ແມັດ ເປັນເສັ້ນທາງດິແດງ ສາມາດເອົາລົດສ່ວນຕົວ ແລະ ລົດຈັກໄປກໍໄດ້ເພາະມີປ້າຍບອກທາງຢ່າງຊັດເຈນ.ຍັງມີຮ້ານອາຫານຫ້ອງນ້ຳໄວ້ຄອຍບໍລິການລູກຄ້າ ແລະ ຮ້ານຂາຍເຄື່ອງທີລະນຶກຫຼາຍໆຮ້ານ, ມີສະຖານທີ່ຈອດລົດທີ່ກ້ວາງຂວາງພໍສົມຄວນ.

v    ການແນະນຳກິດຈະກຳນັ້ນເພື່ອບໍ່ໃຫ້ເກີດຄວາມຜິດພາດຈາກທີ່ບໍຮູ້ເທົ່າເຖີງການ.

ເພື່ອຄວາມປອດໄພຂອງນັກທ່ອງທ່ຽວການຫຼີ້ນກິດຈະກຳຕ່າງໆຄວນມີຄວາມລະມັດລະຫວັງບໍ່ວາຈະເປັນໃນດ້ານໃດກໍຕາມ ໂດຍສະເພາະກໍ່ຄືການຂີ່ສະລິງນັກທ່ອງທ່ຽວຜູ້ທີ່ມີໂລກສ່ວນຕົວນັ້ນກໍ່ຄືເປັນໂລກຫົວໃຈນັ້ນບໍ່ຄວນຫຼີ້ນກິຈະກຳນີ້ ແລະ ນັກທ່ອງທ່ຽວໃດທີ່ບໍ່ມີຄວາມໃຈກ້າພໍຖ້າຫາກວ່າຢາກຫຼີ້ນແທ້ໆແມ່ນຄວນລອງຫຼີ້ນກ່ອນເພາະໃນແຫຼ່ງທ່ອງທ່ຽວນັ້ນມີບ່ອນໃຫ້ລອງຫຼີ້ນເພື່ອບໍ່ໃຫ້ເກີດຄວາມຜິດພາດຕາມມາ

v    ຄວາມເຊື່ອຂອງເທດສະການ ແລະ ງານປະເພນີ.

ເມື່ອຮອດເດືອນ 3 ຂອງແຕ່ລະປີຊາວບ້ານແຖວນີ້ ຈະຈັດງານບຸນເພື່ອບວງສວງສິ່ງສັກສິດ ໃນບໍລິເວນຕາດຟານຕາມຄວາມເຊື່ອດັ້ງເດີມ.ຕາດຟານເປັນຕາດສູງຊັນປະມານ 120 ແມັດ,ມີນ້ຳ 2 ສາຍ( ຫ້ວຍບັ້ງລຽງ ແລະ ຫ້ວຍຈິບ)ຕົກໃສ່ກັນ.